Katua banintz
Egilea: Paloma Sanchez Ibarzabal
Argitaletxea: Txalaparta
Ilustratzailea: Anna Llenas
-Zer gertatuko litzateke katua bazina? -Katua banintz.... Galdera horrekin hasten da Paloma Sanchez Ibarzabalen kontakizun hau, eta erantzunetik erantzunera, aukera dibertigarriak agertuko dira album jostagarri honetan. Katua banintz proposamen dibertigarri bat da, jolas moduan emana, eta aukera eskaintzen du besteen errealitatearen kontzientzia hartzeko (bizipenak, emozioak, beharrak...), horiek hobeki ulertzeko helburuz betiere. Jar zaitez nire lekuan esaten dugu besteek errazago uler ditzaten gure erabakiak eta jarrerak. Zalantzarik gabe, besteak ezagutzeko modurik onena haren larruan jartzea da. Sarri askotan, nik ez nuke egingo esaten dugu, eta uste izaten dugu guretzat ongi dagoena -edo ez dagoena-, besteek ere hala ikusten dutela ezinbestean.